Мектеп өз түлектерін мақтан етеді.

      Көп жылдар ішінде мектепті мыңдаған түлектер бітірді, олар  әр түрлі қызмет атқарады. Новоалександровка орта мектебінің түлектері біздің Отанымыздың әр түрлі бұрыштарында тұрады және жұмыс істейді. 2015 жылы мектеп «Атбасар ауданы білім бөлімінің Бастау ауылы №1 орта мектебі» КММ болып өзгертілді. Олардың арасында мұғалімдер мен құрылысшылар, жұмысшылар мен кәсіпкерлер, тәртіп сақшылары мен дәрігерлер бар. Мектеп өзінің түлектерімен шынымен де мақтанады. Біздің түлектеріміз қандай жолды таңдаса да, мектеп олардың өміріндегі жарқын бастама болып қала береді. Мектеп түлектерінің тағдыры қайда болмасын, мұғалімдер оларды әрдайым еске алады және олардың жетістіктеріне қуанады. Мен сізге Новоалександровка орта мектебінің түлегі Громова Ольга Васильевна туралы айтқым келеді. Ольга 1982 жылы Новоалександровка ауылында (қазіргі Бастау) дүниеге келген. Ольганың ата-аналары: әкесі Громов Василий Васильевич, 40 жылдан астам теміржолда  шебер болып жұмыс істейді, анасы  Громова Тамара Викторовна, бұрынғы  СПТУ -20 аспазшыларға өндірістік оқыту шебері болып жұмыс істеді. Қазіргі уақытта Тамара Викторовна зейнеткерлік демалыста. Ата-аналары жақсы балалар тәрбиеледі: қызы Ольга, ұлы Сергей. Василий Васильевич пен  Тамара Викторовна өте еңбекқор, ақкөңіл, қайырымды адамдар.  Біздің ауылда оларды үлкендер де, кішілер де сыйлайды.1989 жылы Ольга бірінші сыныпқа келді.  11 жыл «үздік» оқыды. Әсіресес оған жаратылыстану- математика пәндері бойынша  сәтті нәтижелер көп болды. 1999 жылы үздік аттестатпен мектепті бітірді. Мектептен кейін ол Томск мемлекеттік университетінің физика-математика факультетінде емтихандарды өте жақсы тапсырды. Өмір өз әдетіндей өте берді: дәрістер, семинарлар, достар мен қыздар және әрине, бәрінде жауапкершілік. Ольга университеттің үздік түлектерінің бірі болып оқуын 2005 жылы бітірді. Ол бес жыл бойы кандидаттық диссертациясын қорғауға дайындалып, аспирантурада оқуын жалғастырды. 2010 жылы кандидаттық диссертациясын қорғап, халықаралық маңызы бар дипломмен «физика-математика ғылымдарының кандидаты» атағын алды. Қазір Ольга Васильевна Томск политехникалық университетінде жұмыс істейді, жалпы физика кафедрасының профессоры, студенттерге дәрістер оқиды.  Сонымен бірге ол ғылыммен де айналысады. 2017 жылы Ольга ЮНЕСКО мен LOreal бірлескен жобасы «Ғылымдағы әйелдер үшін» стипендиялық бағдарламасының жеңімпазы болды. Байқаудың қорытындысы бойынша Громова Ольга зерттеу жұмысын жалғастыру үшін 500 мың стипендия алды.Ольга күрделі  көпатомды молекулалардың негізгі қасиеттерін жоғары ажыратымдылықтағы спектроскопияны қолдана отырып зерттейді. Ол үшінші курстан бастап ғылыммен айналыса бастады, ал бүгінгі таңда Ольга халықаралық ғылыми жобалармен айналысады, стипендиялар мен гранттар конкурстарының жеңімпазы, соның ішінде Қытай ғылым академиясының жас ғалымдарға арналған гранты,  Швейцария химиялық қоғамы, DAAD қоры, Ресей Федерациясы Президентінің гранты тағы басқалары. Ольга мұнымен тоқтамай, болашақта докторлық диссертациясын қорғауды жоспарлап отыр.  Мен Ольгаға одан әрі шығармашылық табыстар мен үлкен бақыт тілеймін. Бастау ауылы №1 орта мектебі биыл 45 жасқа толды. Түлектердің көбі мұғалімдерге деген жылулықтарын сақтаған. Өмір - бұл сен үйренген нәрсе, өмір - бұл мектеп, бірақ тек қоңырауларсыз. Біздің түлектерден не шыққанын өмір көрсетті.

Педагогикалық еңбек ардагері Б.Ж. Бегежанова.