Оқитын мектеп

КММ «Бастау ауылының №1 жалпы орта білім беретін мектебінде» «Оқитын мектеп» жобасы жоспарына сәйкес Ұлттық кітап күніне орай мектеп кітапханасына келушілермен «Барлығы балалық шақтан басталады» атты әдеби кеш өткізілді.
Іс-шараның мақсаты – оқушылар арасында кітап оқуды насихаттау және кітапқа деген сүйіспеншілікті қалыптастыру. Кітап күні – бұл сиқырлы оқиғаларға, жарқын суреттерге және қызықты шытырман оқиғаларға толы ерекше мереке.
Цифрлық технологиялар дәуірінде де кітап өзін-өзі дамытуға және рухани байуға ұмтылған жандар үшін сенімді серік болып қала береді. Бұл күн – балалар тәрбиесіндегі кітаптың рөліне ерекше назар аударуға жақсы мүмкіндік.
Балалар кітабы балаға қоршаған ортаны танып-білуге жол ашады, негізгі білім мен түсініктерді қалыптастырады, жақындарын сүюге үйретеді, өз халқының дәстүрлері мен ерекшеліктерімен таныстырады.
Оқушылармен кітаптың маңызы, оның не үшін қажет екендігі туралы әңгіме жүргізілді. Балалар жұмбақтар шешіп, сұрақтарға жауап берді, сүйікті кітаптарын оқыды, кластер құрастырды.
Осы ерекше күні әр үйде кітап оқитын ата-ананың дауысы естіліп, сөрелерде сүйікті балалар кітаптары тұрсын деген тілек білдіреміз.
Кітапханашы: Сәдуақасова С.М.